CHECK THIS OUT:

Search

Babala sa mga batang bumibili at paggamit ng umiilaw na lato-lato

 


Nagbigay babala sa publiko ang Food and Drug Administration (FDA) patungkol sa pagbili at paggamit ng sumisikat na laruan na lato-lato na may ilaw.


Ayon sa FDA na hindi sila nakasisiguro sa kalidad at kaligtasan ng naturang laruan.


dagdag pa ng FDA, hindi pa dumaan sa kanilang pagsusuri ang naturang laruan, at wala pa itong certificate of product notification na rehistro sa pag-apruba para ibenta sa merkado ang produkto.


Babala ng ahensya, posibleng  mayroon itong materyales na peligroso sa kalusugan.


Kaugnay nito, inabisuhan din ng FDA ang mga establisyimento na itigil muna ang pagbebenta nito.

Dating pres. Duterte, 'di interesadong maging anti-drug czar

 


Hindi naging interesado si dating Pangulong Rodrigo Duterte na maging anti-drug czar gaya ng mungkahi ng kaniyang mga kaalyadong senador.


“Mukhang hindi na rin tama, Pastor, because there is the President Ferdinand “Bongbong” Marcos Jr. duly elected and it is his duty to enforce the law and solve crimes,” sabi ni Duterte kay Pastor Apollo Quiboloy.


Tinanong si Duterte kung ikinukonsidera niya ang ilang mungkahi na maging anti-drug czar sa administrasyong Marcos.


“Let us give Marcos the greatest elbow room leeway to do his job in just one year. And in fairness do’n sa mga pulis, 'yan ang problema. The last time I said it, it's a matter of leadership,” sabi ng dating Punong Ehekutibo.


Sa isang pagdinig sa Senado kamakailan tungkol sa nakumpiskang the P6.7 bilyong halaga ng shabu, tinanong ni Senador Bong Go si Philippine National Police (PNP) chief Police General Benjamin Acorda, kung makatutulong ba kung magiging anti-drug czar si Duterte.


Ayon kay Acorda, susuportahan niya ang anumang hakbang na makatutulong sa kampanya laban sa ilegal na droga.


Sinuportahan naman ni Senator Ronald “Bato” dela Rosa na gawing anti-drug czar si Duterte dahil babalik umano ang takot ng mga tiwaling pulis at mga kriminal na sangkot sa ilegal na droga.