Hangang-hanga ngayon ang netizens sa isang pulubi mula sa Catarman, Northern Samar dahil sa kaniyang angking galing sa pagkanta.
Nag-viral ang palaboy na si Vicencio Empalmado matapos siyang video-han ng uploader na si Fernan Fabregrasa habang inaawit ang kantang "Just Once" ni James Ingram.
Sa mahigit apat na minutong video, kitang-kita ang todo bigay na pag-awit ni Empalmado.
Hula tuloy ng mga netizens, baka dati palang professional singer ang pulubi na nakaranas lamang ng depresyon o matinding dagok sa buhay.
"Professional Singer ito dati kc pag hawak p lang s mic Alam nya eh nagkaroon cguro ng depression kaya naging ganyan Sana matulungan cya," komento ng isang netizen.
Sa ngayon, umabot na sa 5 million views ang video ni Empalmado. Marami rin ang nagpa-abot ng tulong sa kaniya gaya ng libreng gupit, damit, at pagkain.
No comments:
Post a Comment